Nëse kirurgjia laparoskopike (teknika që mundëson ndërhyrje kirurgjikale në organizëm pa pasur nevojën e prerjes) bëri një revolucion në fund të shekullit të XX-të, në fillim të shekullit XXI, një revolucion i ri po përgatitet për në sallat kirurgjikale, ku kirugë do të jenë robotët.

Të hysh në një sallë operimi është njësoj si të jesh në bordin e një anijeje astronautësh, pjesë e serialeve televizivë të fantashkencës.

Kirurgu punon ulur përpara një ekrani me lëvizje që të kujtojnë ato të një DJ, ose të një regjisori që monton një film.

Në gjysmën e shekullit XXI-të do të realizohet një ‘mikronëndetëse’ operuese që do të hyjë në damarët e trupit human, në vend të atyre urinar, ose riprodhues. Ndërhyrje që do të jenë gati të padukshme.

Kirurgët e gjeneratës së re do të jenë më rehat, duke qenë se janë rritur me playstation dhe videogame. Madje edhe bisturia, thika prerëse do të jetë prehistori. Sepse të presësh dhe të qepësh do të bëhet tani me rreze dhe ultratinguj.

Një e ardhme e largët? Jo, është madje, e tashme.

Diagnostikimi dhe kirurgjia do të bëhen me një ndërhyrje të vetme. ‘Spitali i robotëve’ mund të bëhet brenda një kohe të shkurtër; një grumbull komandash në zemër të një strukture, robot anestezist e kirurg, robot laborant që analizon rrufeshëm gjithçka që i kalon kolegu i tij, robor radioterapist nëse është e nevojshme, bluza me sensorë ndjeshmërie për të kontrolluar parametrat jetësorë në reanimacion, infermierë me katër rrota në repart dhe robot sanitarë që kontrollojnë gjithçka. ( Lexo me teper … )

Organet e Brendshme

Organet e brendshme jane ato qe na bejne te ecim perpara, ngrenia, frymemarrja, ecja etj. Le te shohim disa gjera qe do na bejne te mendojme sa here te degjojme zhurma ne brendesi te stomakut tone.

22. Organi me i madh i organizmit tone eshte zorra e vogel (intestinum tenue). Edhe pse quhet nga anglezet “small intestine” eshte 4 here me e gjate se gjatesia mesatare e nje njeriu te rritur.

23. Zemra e njeriut prodhon gjak me nje presion per ta pompuar ate deri ne 9 metra lartesi. Keshtu qe mos u preokuponi ne qofte se arrini te degjoni rrahjet e zemres tuaj. Per te pompuar gjak ne te gjithe trupin tone ne nje kohe kaq te shkurter duhet nje presion i mire nga kontraktimi i zemres.

24. Lengjet gastrike jane ne gjendje te tresin edhe nje flete brisku.

25. Mendohet se trupi njerezore ka me shume se 96 000 kilometra ene gjaku. Duke bere nje llogari te thjeshte me enet tona mund te behen me pak fjale 2 xhiro rreth botes.

26. Cdo 3 apo 4 dite ne stomakun tone krijohet nje membrane mukoze e re. Kjo per shkak te forces se madhe te acideve prezente ne stomak dhe kush vuan nga ulcera mund ta kuptoj shume mire sa te dhimbshme jane keto acide sidomos kur sulmojne muret e stomakut. ( Lexo me teper … )

Mjafton të përdorësh ashensorin për të shtuar rrezikun për të shfaqur diabetin e sheqerit.
Të paktën kështu pretendojnë një ekip shkencëtarësh të Universitetit të Misurit në një studim të publikuar në revistën “Journal of the American Medical Association” (Jama). Shkencëtarët kanë marrë nën shqyrtim disa persona, të cilëve u ishte kërkuar të ulnin në mënyrë drastike aktivitetin e tyre fizik, për të parë efektin që kishte jeta sedentare në sëmundje kronike si diabeti.

Në fakt janë kryer dy studime njëkohësisht: Në të parën, personave që ecnin mesatarisht 6 mijë hapa në ditë, të bënin vetëm 1400 hapa për tre javë rresht, duke shmangur në mënyrë absolute shkallët dhe makinën sa herë që do e kishin të mundur një gjë të tillë; ndërsa në studimin e dytë u është kërkuar që nga 10 mijë hapa në ditë, të bënin vetëm 1400, por vetëm për 2 javë.

Në përfundim të studimit, pjesëmarrësve u është kërkuar të plotësonin një test tolerance glukozi dhe një të yndyrnave, për të parë aftësinë e organizmit për të hequr nga gjaku këto dy substanca. ( Lexo me teper … )

Fruta dhe perime me shumicë, ky është “sekreti” për të arritur rezultate të mira në shkollë. Të paktën ky është konkluzioni i një studimi të kryer nga një ekip shkencëtarësh të Universitetit të Albertës, i publikuar në “Journal of School Health“, ka treguar se një mënyrë ushqyerjeje e shëndetshme ndikon në përmirësimin e rezultateve në shkollë.

Studimi ka përfshirë rreth 5000 fëmijë të moshës 11 vjeç dhe prindërit e tyre. Nëpërmjet një pyetësori mbi mënyrën e ushqyerjes, (duke marrë parasysh edhe gjatësinë dhe peshën e të intervistuarve), është përcaktuar sasia e ushqimeve që duhet të marrin fëmijët.

Përbërësit e dietës më pak të shëndetshme, sigurisht ishin yndyrnat saturne dhe kripa, ndërsa ata që u konsideruan pozitivë ishin: frutat, perimet, fibrat, proteinat, kalciumi. Të gjithë fëmijët i janë nënshtruar një testi kulture të përgjithshme. Ata që konsumonin më shumë fruta dhe perime, dhe pak kalori yndyrnash, kishin probabilitet më të lartë për të mos dështuar në test. “Nga analizimi i të dhënave është parë, se përveç faktorëve socio - ekonomik, cilësia e dietës është e rëndësishme dhe reflekton në performancën shkollore”, kanë pohuar autorët e studimit.

Burimi: http://panorama.com.al/

Mollët, qepët, çaji, vera e kuqe, janë disa nga ushqimet “ilaç” kundër tumoreve të ndryshme.

Kjo fale një molekule të vogël me aktivitet antioksidues, “quercetina”, që sipas studimeve të ndryshme mund të përdoret mjaft mirë dhe me efikasitet në terapinë e leucemisë. Kjo molekulë, e pranishme në sasi jo të vogla në dietën tonë (në fakt vlerat e tyre janë 25-30 miligramë në ditë) kanë aktivitet potencial kemio-preventiv, që lidhet me aftësinë që kanë molekulat natyrale apo sintetike për të bllokuar procesin e transformimit të një qelize normale në tumorale, apo ta regredojë nëse tashmë ekziston.

“Shumë substanca dhe aktivitete kemio-preventive janë të pranishme në ushqimet me origjinë bimore, si në fruta dhe perime ashtu dhe në pijet si çaji dhe vera e kuqe”, nënvizon Gian Luigi Russo, studiues pranë Qendrës Kombëtare Italiane për Kërkime, njëkohësisht përgjegjës i studimit. Sipas tij këto substanca veprojnë për më tepër nga antioksiduesit, duke kundërshtuar efektet e radikaleve të lira në qelizat e organizmit. Kjo bëhet duke moduluar aktivitetin e enzimave të panumërta, përgjegjëse për detoksikimin nga substanca kancerogjene që merren nga jashtë (ambienti, ushqyerja, etj).
Një nga sistemet që organizmat e gjalla kanë vënë në veprim gjatë evoluimit për të liruar qelizat e dëmtuara, (si pre-kancerogjene) është “vetëvrasja” qelizore e programuar. Më fjalë të tjera, organizmi aktivizohet për “t’u çliruar” nga qelizat që janë dëmtuar në mënyrë të parikthyeshme, duke ndikuar kështu në mbijetesën e të gjithë organit apo vetë personit. ( Lexo me teper … )

Hudhrat janë aleatet bimore më të mira të zemrës. Nëse hani shumë hudhra do te arrini të mbani nën kontroll presionin e gjakut dhe të mbroheni nga sëmundjet kardiovaskulare.

Të paktën ky është përfundimi i një studimi të kryer nga një ekip shkencëtarësh britanikë. Sipas autorëve të studimit efekti dobiprurës i atribuohet, një substance të njohur si sulfur hidrogjeni (H2S) që lëshohet nga rruazat e kuqe në kontakt me polisulfuret që përmban hudhra.

Sipas tyre dy thelpinj hudhre të një madhësie mesatare lejon zgjerimin e 72 për qind të mureve të enëve të gjakut, duke shkaktuar një ulje të rëndësishme të presionit të gjakut. Ulja e presionit ndikon në uljen e rrezikut, për shfaqjen e sëmundjeve kardiovaskulare.

Mënyra se si vepron H2S nuk është shumë e qartë, por mendohet se mekanizmi molekular ka të bëjë me proceset që bllokojnë dëmtimet oksidative në nivel qelizor. Roli i hudhrave është parë të jetë mjaft relevant edhe në parandalimin e shumë patologjive të tjera, si dhe te disa formave tumorale.

Burimi: Gazeta Panorama

Nëse ekspozohemi në masë ndaj rrezeve të diellit, mund të jetojmë më gjatë. Mesa duket dielli mund të na mbrojë nga disa tipa tumoresh dhe sëmundjesh kardiake.

Të paktën ky është përfundimi i një studimi të sapopublikuar në revistën “Proceedings of the National Academy of Sciences”. Sipas autorëve të studimit, dobia e dritës diellore, tejkalon rrezikun për kancerin e lëkurës. Punimi është kryer nga një grup shkencëtarësh të “Brookhaven National Laboratory” në SHBA, të cilët këmbëngulin në faktin se rrezet Uv (ultravjollce) stimulojnë prodhimin e vitaminës D, e cila ka veti mbrojtëse ndaj disa sëmundjesh. Për vite me rradhë ekspozimi në diell është “inkriminuar” si shkaktar i shfaqjes së kancerit në lëkurë. Ndërsa sot, shkencëtarët kanë përmbysur këtë mendim, duke pretenduar se dielli sjell më tepër dobi sesa dëme për shëndetin e njerëzve.

Sipas tyre, kur ekspozohemi në diell lëkura prodhon vitaminë D, që luan një rol të rëndësishëm në mbrojtjen nga një numër i caktuar tumoresh dhe një sërë sëmundjesh të tjera. ( Lexo me teper … )

Karakteri agresiv dëmton zemrën. Të paktën kështu këmbëngul një ekip studiuesish amerikanë, të cilët kanë kryer një studim te gati 3 579 persona.

Punimi është publikuar në “American Journal of Epidemiology” dhe objekt studimi ka qenë fakti se si ndikon agresiviteti në shfaqjen e sëmundjeve kardiake. Sipas studiuesve personat me personalitet “të egër” janë më të riskuar për të shfaqur sëmundje të zemrës dhe kjo shpjegohet me faktin që janë më në varësi të duhanit dhe alkoolit, “armiq të fuqishëm” të antioksidantëve. “Stresi oksidativ, shkaktohet nga radikalet e lira, të cilat prodhohen normalisht nga organizmi ynë”, shpjegon Tetsuya Ohira, i Universitetit të Minneapolisit.

Nëse ulet aftësia e organizmit për t’u normalizuar, rritet rreziku për shfaqjen e sëmundjeve kardiake, tumoreve dhe sëmundjeve të tjera. Vitaminat mund të luftojnë stresin oksidativ, aty ku e rrisin duhani dhe ndotja urbane. ( Lexo me teper … )

Femijet dhe adoleshentet flene shume pak, dhe kjo iu shkakton probleme te renda ne shendetin e tyre, aq sa ky fakt po merr trajten e nje urgjence te vertete shendetesore.

Sipas nje sondazhi te fundit te National Sleep Foundation, 90% te prinderve amerikane jane te bindur se femijet e tyre flene normalisht. Por ne qofte se i behet e njejta pyetje femijeve, zbulohet se realiteti eshte krejt ndryshe: 60% e tyre tregon se i ze gjumi shpesh gjate dites, ndersa mbi 25% fle ne klase gjate oreve te mesimit te pakten nje here ne jave.

Gjysma e adoleshenteve fle me pak se 7 ore ne nate, ndersa tek gjimnazistet mesatarja ulet akoma me shume dhe oret e gjumit behen 6,5. Vetem 5% e adoleshenteve fle 8 ore ne nate. Eshte llogaritur se ne 30 vjetet e fundit mesatarja e oreve te gjumit tek femijet dhe adoleshentet ka rene me me shume se 1 ore. ( Lexo me teper … )

Nje virus gjenetikisht i modifikuar, i pershtatur ne menyre qe te vrase qelizat kancerogjene dhe te mos godase ato te shendetshme, ka dhene rezultatet e para ne disa teste klinike qe na lene te shpresojme, treguan sot shkencetaret qe punojne per kete projekt. ( Lexo me teper … )